Eimskip Ísland ehf.

„Afkoma félagsins á árinu 2025 var neikvæð um 12,4 milljón evra samkvæmt rekstrarreikningi. Eigið fé samkvæmt efnahagsreikningi félagsins þann 31. desember 2025 nam 88,3 milljón evra. Nafnverð hlutafjár félagsins í árslok nam 4.123 milljónum króna.“

„Í árslok var allt hlutafé félagsins í eigu Eimskipafélags Íslands hf. eins og í ársbyrjun. Félagið er hluti af samstæðu Eimskipafélags Íslands hf. („samstæðan“), sem samanstendur af móðurfélaginu og dótturfélögum þess.“

„Horfur í byrjun árs 2026, litast af áframhaldandi óvissu í heimsviðskiptum. Suez-skurðurinn, sem er mikilvæg siglingaleið milli Asíu og Evrópu, hefur frá desember 2023 orðið fyrir verulegu áfalli vegna árása vopnaðra hópa á flutningaskip. Hefur þetta leitt til lokunar skurðarins fyrir almennri skipaumferð, sem hefur aukið siglingatíma og haft neikvæð áhrif á afkastagetu skipa og gámakerfa.“

„Þrátt fyrir óvissu í alþjóðlegu efnahagsumhverfi, er Eimskip vel staðsett á heimamarkaði í Norður-Atlantshafi, með áherslu á flutninga á frosinni og kældri vöru. Félagið leggur áfram áherslu á skilvirkni í rekstri og virkt kostnaðaraðhald ásamt því að vinna að stöðugri viðskiptaþróun til að styðja við sjálfbæran vöxt sem byggir á traustu sambandi við helstu hagaðila.“